O le aso Faraile, 15 o Oketopa, sa umusa ai le fausia o le pa fou o le tatou faleaoga - Primary School Afega. O lenei pa, sa fausia ona o le manaoga sa tuumai e le Matagaluega o Aoga, Taaloga ma Aganuu (MESC), i le latou asiasiga ona o le saogalemu mo tamaiti aoga. O lenei galuega sa faatino ma faatautaia e le Nuu, ma o aumaga ma taulelea sa nafa ma lenei faamoemoe i le timu ma le la i le tolu vaiaso na mavae nei.
Sa faaalia le fiafia o sui o matua sa auai i lea aso. Sa auai foi Matai o le Nuu ma sui o le Komiti o Atinae. O le talaaga o le galuega e tusa ma le 16,000 Tala lona tau atoa. Ma sa fesoasoani mai ai foi nisi o paaga a lenei nuu e ala i tupe ma taumafa.
Taúa e Maulolo Tavita e faapea, "o lenei galuega sa faamaite lava ona ua umi ona tuu, ona sa feagai ai le Nuu ma isi poloketi e pei o le toe faia lea o le extension o le faleaoga mo nisi potu aoga, ae ona o mea e tatau ona vaai ai le komiti o aoga, aua o ia o le sui o lea komiti".
E viia ai pea le Alofa o le Atua ona o lana pule faasoa ma le manuia sasaa mai pea i totonu o le tatou Afioaga. ma sa fai ai se sauniga lotu puupuu ilea afiafi e le Susuga ia Vaitimu (o le Epikopo o le Ekalesia o le Paia o Aso e Gata ai). Sosoo ai loa ma se taumafataga na saunia e le Komiti o Atinae ma Matai o le Nuu.
