E faatalofa atu i le mamalu o le atunuu o loo faitau i lenei upegtafa’ilagi (website) i luga o le upegafesoota’i (internet) aemaise se faa talofa faapitoa i alo ma tamafanau o le Afio’aga o Aiga Sa Gauifaleai ma le Alalafaga o Fata ma Maulolo, Tuisamau ma le Vagana i Tulafale . Talofa lava!
O le iuga lenei o le Faamasinoga a Afega ma Levi i le masina Aokuso 2023 -
O le iuga lenei o le faamasinoga ma Leauvaa i le taoaofiaga i le aso 21 Tesema 2023 -
Maua le kopi o le Faamasinoga e te faitau ma malamalama ai i le iuga o le faamasinoga i le tauaofiaga faapitoa a Leauvaa ma Afega i le Aso 21 Tesema 2023.
O le tali atu lenei a le tatou Nu'u i nisi o tuaiga ma nisi o faasalalauga o loo faataamailo i luga o le social media ma isi upgetafailagi(websites).
E taua lava le malamalama, ona o le agaga o le tatou Nu'u i Afega, o le filemu. Mai lava i le amataga o lenei mataupu o loo faapena lava ona faaoloolomaau le tatou Afioaga i taiala o le tulafono ma iuga o faamasinoga sa tauasaina e tatou tuaa ma matua. E le o ni mea fou o loo tatou taumafai e faatino, o loo iai faamaumauga o iuga o faamasinoga o Fanua ma Suafa i tausaga ua mavae. E le soona falala fua laau o le vao.
Read more: O le tali atu a le Nu'u i nisi o faasalalauga i luga o le media ma isi upegatafailagi
Maua le kopi o le Faamasinoga e te faitau ma malamalama ai i le iuga o le faamasinoga i le va o Afega ma Levi.
O lenei upegatafailagi “laumuaotumua.org” ua fausia ina ia silafia ai e alo ma tamafanau o lenei nu’u o Afega ia galuega o loo faatino i Samoa nei aua le manuia o si o tatou nuu o Afega nei ma ā taeao.
O le aso Faraile, 15 o Oketopa, sa umusa ai le fausia o le pa fou o le tatou faleaoga - Primary School Afega. O lenei pa, sa fausia ona o le manaoga sa tuumai e le Matagaluega o Aoga, Taaloga ma Aganuu (MESC), i le latou asiasiga ona o le saogalemu mo tamaiti aoga. O lenei galuega sa faatino ma faatautaia e le Nuu, ma o aumaga ma taulelea sa nafa ma lenei faamoemoe i le timu ma le la i le tolu vaiaso na mavae nei.
Read more: Umusaga o le Pa o le Faleaoga Primary School - Afega
O le vaiaso lenei na amata ai le galuega o le pa taamilo o le faleaoga tulaga lua a si o tatou nuu. O lenei galuega o loo faatupeina lava e le tatou nuu ma le komiti o atinae. Ma o le a faailoa atu foi nisi o Tamalii ma Kamupani sa fesoasoani mai. Faamalo atu lava i matai ma aumaga sa faatasi mai mo lea faamoemoe.
Maua sau kopi: